Kashi — jise Banaras aur Varanasi bhi kehte hain — vishva ki sabse prachin jeevit nagri hai. Yahan har shaam Ganga kinare jo drishya banta hai, use dekhe bina Kashi ki yatra adhoori hai: Ganga Aarti.
Ganga Aarti kya hai?
Ganga Aarti Maa Ganga ki puja ka ek bhavya roop hai, jisme bade pital ke deep (jinhe hum "aarti" kehte hain), ghanti, shankh, dhoop aur pushp ke saath Vedic mantron ka uccharan hota hai. Sandhya samay hone wali is aarti ko Sandhya Aarti kehte hain.
Aarti ke samay pandit eksaath, ek hi taal me, deep ghumate hain — aur ghat par baithe hazaron shraddhalu is divya kshan ke saakshi bante hain.
Iska adhyatmik mahatva
- Maa Ganga ka aabhar: Ganga ko Bharat me maa ka darja prapt hai. Aarti unke prati kritagyata vyakt karne ka madhyam hai.
- Panch tatva ki puja: Deep (agni), jal, pushp (prithvi), dhoop (vayu) aur shankhnaad (aakash) — paanchon tatva aarti me samahit hote hain.
- Man ki shanti: Mantron ki dhwani aur deep ki lau man ko ekagraur shant karti hai. Isliye log door-door se sirf aarti dekhne aate hain.
Apne shubh avsar par Ganga Aarti kyon karayein?
Shaadi, sagai, namkaran, griha pravesh — jab in avsaron par Ganga Aarti hoti hai, to poora vatavaran Kashi ke ghat jaisa divya ho jata hai. Mehmaan varshon tak is anubhav ko yaad rakhte hain, aur parivaar ko Maa Ganga ka ashirwad milta hai.
Acharya Pandit Hariom Tiwari Ji apni team ke saath yahi anubhav aapke ghar, wedding venue ya kisi bhi sthaan par lekar aate hain — poore vidhi-vidhan aur shuddh mantra uccharan ke saath.